អស្ចារ្យមែនកូនខ្មែរមួយក្រុម!បង្កើត Project 1 ដោយសរសេរPrompt Ai យ៉ាងស្ទាត់ជំនាញ

អស្ចារ្យមែនកូនខ្មែរមួយក្រុម! បង្កើត Project ដោយប្រើ Prompt AI យ៉ាងស្ទាត់ជំនាញ កំពុងទាក់ទាញការចាប់អារម្មណ៍លើបណ្ដាញសង្គម បន្ទាប់ពីយុវជនខ្មែរមួយក្រុម បានបង្ហាញពីគម្រោង (Project) ដែលពួកគេបានបង្កើតឡើង ដោយផ្អែកលើការប្រើប្រាស់បច្ចេកវិទ្យា AI និងជំនាញក្នុងការសរសេរ Prompt។ តាមការចែករំលែក ពួកគេមិនបានប្រើ coding ស្មុគស្មាញច្រើនទេ ប៉ុន្តែផ្តោតលើការបញ្ជារបានត្រឹមត្រូវទៅ AI ដើម្បីទទួលបានលទ្ធផលតាមដែលចង់បាន។ គម្រោងនេះត្រូវបានគេមើលឃើញថា ជាឧទាហរណ៍មួយនៃការប្រើប្រាស់បច្ចេកវិទ្យាទំនើបក្នុងការបង្កើតអ្វីថ្មីៗ។ យ៉ាងណាមិញ អ្នកប្រើប្រាស់បណ្ដាញសង្គមជាច្រើនបានចូលមកបញ្ចេញមតិយ៉ាងកំប្លែងថា៖ “គេសរសេរ prompt មួយចេញ project… ខ្ញុំសរសេរ prompt មួយ AI ឆ្លើយ ‘ដល់ករ’” ខណៈអ្នកផ្សេងទៀតបាននិយាយថា “សម័យនេះ មិនមែន coder ខ្លាំងទេ តែ prompter ខ្លាំង!” អ្នកជំនាញមួយចំនួនបានលើកឡើងថា ជំនាញក្នុងការសរសេរ Prompt កំពុងក្លាយជាចំណុចសំខាន់មួយ ក្នុងយុគសម័យបច្ចេកវិទ្យា AI ព្រោះវាអាចជួយបង្កើត និងអភិវឌ្ឍគម្រោងបានយ៉ាងមានប្រសិទ្ធភាព។ បច្ចុប្បន្ន ប្រធានបទនេះកំពុងតែទទួលការចាប់អារម្មណ៍ និងត្រូវបានចែករំលែកយ៉ាងទូលំទូលាយលើបណ្ដាញសង្គម។